ماذا قال طارق حامد في جلسة الوداع مع لاعبي الزمالك؟ لم أهرب

السبت، 23 يوليو 2022 08:03 م

مشاركه

طارق حامد مع لاعبي الزمالك

ودع طارق حامد لاعب وسط الزمالك زملائه، في جلسة بغرفة خلع الملابس، عقب التتويج بكأس مصر على حساب الأهلي.

وكان الزمالك قد توج بكأس مصر على حساب الأهلي بعد الفوز بهدفين مقابل هدف، وأصبح طارق بشكل مؤكد خارج الزمالك في الموسم الجديد بعد انتهاء عقده.

وقال حامد في مقطع فيديو، في جلسة عقدها مع اللاعبين في غرفة خلع الملابس عقب نهائي الكأس: "في البداية، مبروك على الكأس وتستحقوها، وكان نفسي أكون معاكم، ممكن الظروف مش كويسة وفي حاجات مش واضحة وإن شاء الله نوضحها في ظروف تانية لأن المهم عندي كشخص لما يكون عندك مشاكل متبصش لنفسك بس محتاج تبص للفريق والنادي".

وأضاف: "الوقت ده أهم من طارق كشخص ومحبتش اتكلم علشان وضع الفريق، تاني نقطة نتكلم عنها الدوري، شايف أن البطولة مش صعبة ومش سهلة، مش صعبة لو لعبت كل مباراة بتركيز إنك تكسب، هتكسب".

وأردف طارق حامد: "تكسب كل مباراة سهل تاخد الدوري، زي السنة الماضية كان باقي 7 مباريات كان اللاعبين متجمعة وكويسين مع بعض زي دلوقتي ولازم نكسب بطولة في ظروف استثنائية، ولكن لو حسيت أن الموضوع سهل أنك تكسب الدوري وضمنت من دلوقتي صدقني مش هتكسب حاجة".

وتابع: "في الوقت ده أنت كسبت بطولة استثنائية وحققت نجاح جديد في الوضع الصعب للنادي والفريق، السنة دي لو ربنا كرمك وحققت الدوري مش هيكون إنجاز، هيكون إعجاز".

واختتم طارق حامد تصريحاته قائلًا: "غصب عني وكان نفسي أساعدكم ولكن أنا والله ولا هربت ولا لتدعيت إصابة ولا تمارضت وأنتوا تعرفوني بقالكم 7 ولا 8 سنين بقدم كل حاجة في الملعب وبره الملعب بساعد كل الناس من قلبي، بتمنى ليكم التوفيق وإن شاء الله أشوفكم على خير".

واقترب طارق حامد من الانضمام لفريق اتحاد جدة خلال فترة الانتقالات الصيفية المقبلة، بعد انتهاء عقده مع الزمالك.