بعد وصفه بالمهاجم المتواضع.. كوكا يرد على انتقادات ميدو

شن أحمد حسن كوكا، مهاجم فريق قونيا سبور التركي، هجومًا على أحمد حسام ميدو، المدير الفني للزمالك الأسبق، بعدما وصفه الأخير بالمهاجم المتواضع.

البداية جاءت برد أحمد حسام ميدو على تغريدة أحد رواد مواقع التواصل الاجتماعي "تويتر"، والتي وصف خلالها مسيرة كوكا بالمميزة، حيث انتقد ميدو هذا الوصف قائلاً: "مهاجم متواضع لا يصلح للمستوى الدولي حتى ولو احرز 1000هدف".

رد كوكا على انتقادات ميدو له بالعديد من التغريدات، قائلاً: " مهاجم متواضع؟ اولا هو انت اصلا مين طلب رأيك؟ ثانيا انت مبطل كوره وانت عندك 29 سنة وكل الناس عارفه ليه.. ثالثا لو رقم الأهداف اللي أنا جايبه شايفه قليل ماجبتوش أنت ليه؟ مع أن اللي بيلعب في نادي أكبر فرصه بتكون اكتر في التسجيل.. رابعًا حاولت تبقي مدرب ومبتكملش شهر في أي نادي".

تابع: "أنا عارف أن أكبر غلط أني أرد عليك وأنت فاضي وعندك برنامج تتكلم فيه كل يوم بس أنا برده مش هيهدني كلامك وهفضل في طريقي، مركز في مستقبلي ومش عايز حاجه من الناس بعد مبطل كورة وبعد لما أموت غير السيرة الحلوة".

اختتم: "خامسًا بتحاول تبقي إعلامي وتتكلم عن ده وده عشان تبقي تريند بأي شكل، أي حاجه عايز تدخل فيها، ده حتي صلاح في أول مشواره كنت بتتكلم عليه وحش، الحقد عالي أوي عندك من زمان وأنت بتتكلم وحش عني".

وكان كارلوس كيروش، المدير الفني لمنتخب مصر، قد استبعد أحمد حسن كوكا، من القائمة النهائية لمنتخب مصر المشاركة في كأس أمم إفريقيا، التي ستقام في الكاميرون، خلال الفترة من 9 يناير حتى 6 فبراير المقبلين.

أخبار متعلقة

مجموعة مصر: على رأسهم أوسيمين ودينيس.. نيجيريا تستبعد 4 لاعبين من كأس أمم إفريقيا

كأس أمم إفريقيا.. انضمام مرموش وجلسة علاجية لـ السولية بمران منتخب مصر (صور)